Snæfellsnes kemur vel út í könnun á búsetuskilyrðum og hamingju
Birtar hafa verið niðurstöður nýrrar könnunar á vegum landshlutasamtaka sveitarfélaga og Byggðastofnunar um búsetuskilyrði, hamingju og viðhorf fólks til síns sveitarfélags. Könnunin var framkvæmd í september og október sl. og send út á íslensku, ensku og pólsku. Þátttakendur í könnuninni voru 10.253 talsins, þarf af 1.635 á Vesturlandi og byggir hún á hliðstæðri könnun sem gerð var árið 2017. Höfundar skýrslunnar eru hagfræðingarnir Vífill Karlsson hjá SSV og Helga María Pétursdóttir hjá SSNE.
Íbúar á Snæfellsnesi hamingjusamastir
Íbúar á Snæfellsnesi og í Vestmannaeyjum reyndust hamingjusamastir allra og voru íbúar á Snæfellsnesi jafnframt jákvæðastir allra íbúa á Vesturlandi í afstöðu til síns sveitarfélags.
Þá kom fram í skýrslunni að íbúar á Snæfellsnesi gáfu ásýnd hæstu einkunn allra og voru þeir ánægðir með loftgæði, sorpmál, umferðaröryggi og umhverfismál.
Í heildarstigagjöf fyrir landsvæðin 24 og þau 40 búsetuskilyrði sem spurt var um var Snæfellsnes í 5. sæti.
Sjá nánar á:
