Rúmlega 43 milljónir úthlutaðar til 92 verkefna

Úthlutunarhátíð Uppbyggingarsjóðs Vesturlands var haldin sl. föstudag. Þetta er sjöunda árið sem sjóðurinn úthlutar styrkjum til annars vegar menningarverkefna og hins vegar atvinnu- og nýsköpunarverkefna í samræmi við Sóknaráætlun Vesturlands.
Veittir voru  92 verkefnastyrkir úr Uppbyggingarsjóði Vesturlands til verkefna sem efla munu atvinnuþróun og menningu í landshlutanum. Heildarupphæð styrkja nam 43.270.000 króna. 
Alls bárust 124 umsóknir og í heildina sóttu verkefnin samanlagt um rúmlega 176 mkr.
Á meðal þeirra verkefna sem hlutu styrk voru nokkur frá Stykkishólmi, má þar nefna eftirfarandi:
 Verkefni  Umsækjandi   Styrkupphæð  Klifurveggur í Stykkishólmi  Kontiki ehf.  500.000 kr.  Finsen's súkkulaði  Hafnargata ehf.  500.000 kr.  Menningardagskrá í Stykkishólmi 2021 Félag atvinnulífs í Stykkishólmi  500.000 kr.  Rannsóknarstofa Árna Thorlaciusar  Anok Margmiðlun ehf.  250.000 kr.  Skotthúfan 2021  Norska húsið  250.000 kr.  Júlíana hátíð sögu og bóka  Júlíana, félagasamtök  300.000 kr.  Menningardagskrá í Norska húsinu  Norska húsið  500.000 kr.Þetta var fyrri úthlutun ársins en síðsumars verður aftur úthlutað í flokki atvinnu- og nýsköpunarstyrkja.  Á föstudaginn sl. hlutu 68 verkefni á sviði menningar styrk sem námu 26.000.000 kr. , 17 verkefni hlutu styrk til atvinnuþróunar upp á alls 11.970.000 kr. og þá voru veittar 5.300.000 kr. til stofn- og rekstarstyrkja á sviði menningar.

Hægt er að sjá lista yfir öll þau verkefni sem hlutu styrk í frétt á vef SSV.