Girðing á lóðarmörkum

Eftirfarandi reglur gilda m.a. um stoðveggi á lóðum og lóðarmörkum:

*Skv. f lið greinar 2.3.5 í byggingarreglugerð nr. 112/2012 eru girðingar, allt að 1,8 m á hæð og sem eru ekki nær lóðarmörkum en 1,8 m, undanþegnar byggingarleyfi.
*Samkvæmt sömu grein 2.3.5 í byggingarreglugerð, má reisa girðingar í sömu fjarlægð frá lóðarmörkum og hæð þeirra er, allt að 1,8 m.
*Lóðarhöfum samliggjandi lóða er heimilt án byggingarleyfis að reisa girðingu eða skjólvegg allt að 1,8 m að hæð á lóðarmörkum, enda leggi þeir fram hjá leyfisveitanda undirritað samkomulag þeirra um framkvæmdina.
*Ef girðingar og skjólveggir falla ekki undir f lið greinar 2.3.5 í byggingarreglugerð, skal sækja um byggingarleyfi fyrir þeim, þ.e.a.s. sækja þarf um byggingarleyfi fyrir girðingum og skjólveggjum, hærri en 1,8 m á hæð.
*Allar girðingar og skjólveggir á lóðarmörkum, eru háðar samþykki beggja lóðarhafa, óháð hæð skv. grein 7.2.3.

Byggingarfulltrúi gerir fyrir sitt leyti ekki athugasemd við að reist verði girðing á lóðarmörkum, en bendir á að sækja þarf um leyfi sveitarstjórnar Stykkishólms sem lóðarhafa aðliggjandi lands ef girðing er staðsett nær lóðarmörkum en sem nemur hæð sinni og að fylgja þarf reglum um hæð og fjarlægð frá lóðarmörkum.

Erindinu vísað til afgreiðslu í bæjarstjórn.