Stakur viðburður

10.05.2019 11:00

Sýning á verkum nemenda FSN

Kæru Snæfellingar

Nú er komið að lokum þessa skólaárs og nemendur eru í óða önn að ljúka við þau verkefni sem verða til sýnis hér í skólanum föstudaginn 10.maí klukkan 11-13.

Til að nefna nokkur áhugaverð verkefni eru nemendur í kynjafræði búnir að setja upp sýningu sem á að vekja fólk til umhugsunar um kynbundið ofbeldi, staðalímyndir og skráðar og óskráðar reglur í samfélaginu. Nemendur í íslensku hafa búið til borðspil upp úr goðafræðinni og nemendur á starfsbraut eru með myndlistasýningu.

Auk þess verða lokaverkefni nemenda til stúdentsprófs til sýnis ásamt fjölda annarra verkefna.

Við viljum hvetja alla til að gefa sér tíma og koma í heimsókn í skólann til að skoða verk nemenda.

Kær kveðja

Skólameistari