Stykkishólmsbær rekur leikskóla, grunnskóla og tónlistarskóla skv. lögum og reglum þar að lútandi.
Vefsíður skólanna:
Fjölbrautarskóli Snæfellinga er staðsettur í Grundarfirði en sveitarfélögin á Snæfellsnesi í nafni Jeratúns ehf eiga og reka húsnæði skólans.
Skóla- og félagsþjónusta Snæfellinga er rekin af sveitarfélögunum fimm á Snæfellsnesi.
Rannsóknarsetur Háskóla Íslands á Snæfellsnesi er einnig staðsett í Stykkishólmi.
Stykkishólmsbær býður ungmennum með lögheimili í Stykkishólmi sumarvinnu í Vinnuskólanum. Opnað hefur verið fyrir skráningu fyrir sumarið 2022. Vinnuskólinn er fyrir ungmenni fædd árin 2005, 2006, 2007, 2008 og 2009.... lesa meira
Grunnskólinn í Stykkishólmi auglýsir lausar stöður kennara frá 1. ágúst 2022, 90% staða í list-, verkgreinum og sköpun og 50% staða forfallakennara. Umsóknarfrestur er til og með 30. maí 2022 ... lesa meira
Skólaslit Tónlistarskóla Stykkishólms fara fram næstkomandi fimmtudag, 19.maí kl. 18:00, í Stykkishólmskirkju. Á skólaslitum fá nemendur vitnisburð og einkunnir frá sínum kennara. Allir velkomnir.... lesa meira
Lúðrasveit Stykkishólms heldur vortónleika í félagsheimilinu Skildi fimmtudaginn 12. maí kl. 18:00. Á tónleikunum koma fram litla lúðró, stóra lúðró og víkingasveitin. Aðgangur er ókeypis. ... lesa meira
Vinnustaðakeppnin Hjólað í vinnuna 2022 hófst í tuttugasta sinn nú í dag, en að þessu sinni fer keppnin fram frá 4. - 24. maí. Opnað var fyrir skráningu þann 20. apríl. Hægt er að skrá sig allan tímann á meðan keppni stendur yfir eða fram til 24. maí. Hjólað í vinnuna er fyrir marga vorboðinn ljúfi og ávalt mikilvægat að huga vel að heilsunni og sinni daglegu hreyfingu.... lesa meira
Stykkishólmsbær býður í sumar upp á leikjanámskeið fyrir 1.-3. bekk og ævintýranámskeið fyrir 4.-6. bekk . Námskeiðin verða fyrir 1. -3. bekk (2013-2015) vikunámskeið á tímabilinu 7. júní - 1. júlí og fyrir 4. -6. bekk (2010-2012) vikunámskeið á tímabilinu 7. júní - 1. júlí.... lesa meira
Í umhverfisgöngum bæjarstjóra sem hófust árið 2019 kom fram ákall um bætt umferðaröryggi í Stykkishólmi. Áður hafði verið bent á það á fundum skóla- og fræðslunefndar að rýna þyrfti þetta málefni sérstaklega m.t.t. umferðaröryggis á skólasvæðum. Frá þeim tíma hefur verið unnið markvisst að því að bæta öryggi og samgöngur gangandi vegfarenda í Stykkishólmi, m.a. með bættum göngu- og tengistígum víðsvegar um bæinn. ... lesa meira
Starfshópurinn leggur til aðgerðaáætlun þar sem tíundaðar eru 45 aðgerðir til að efla þjónustu við aldraða. Hópurinn leggur m.a. til að húsnæði að Skólastíg 14 verði nýtt sem þjónustukjarni fyrir eldra fólk, þar verði hannaðar íbúðir á efri og neðri hæð ásamt því að á neðri hæð verði sameiginlegt rými notað sem þjónustumiðstöð eldri borgara.... lesa meira
Ný viðbygging leikskólans hefur verið tekin í notkun. Í fyrsta sinn nú í morgun mættu foreldrar með börnin sín á nýja Bakka. Að sögn leikskólastjóra var ekki annað að sjá en börnin væru glöð með nýtt umhverfi enda búin að fylgjast grant með framvindu byggingarinnar undanfarna mánuði.... lesa meira
Þriðjudaginn 10. maí nk. verður haldið opið íbúaþing um endurskoðun á skólastefnu Stykkishólmsbæjar. Starfshópur um endurskoðun á skólastefnu Stykkishólmsbæjar stendur fyrir íbúaþinginu þar sem tekið verður samtal um stefnuna og íbúum gefin kostur á því að láta skoðanir sínar í ljós.... lesa meira
Þriðjudaginn 29. mars sl. fór fram félagsmiðstöðvamótið SamVest 2022 í Hjálmakletti, Borgarnesi eftir tveggja ára hlé. Viðburðurinn hófst að venju með söngkeppni þar sem níu keppendur af öllu Vesturlandi stigu á svið og kepptu fyrir hönd sinna félagsmiðstöðva.... lesa meira
Júlíana - hátíð sögu og bóka fer fram í Stykkishólmi komandi helgi, dagana 24.-26. mars. Dagskrá hátíðarinnar er hlaðin fjölda áhugaverðra viðburða og má gera ráð fyrir iðandi mannlífi í bænum um helgina. Meðal þeirra sem koma fram á hátíðinni eru Einar Kárason rithöfundur og sagnaskáld, Bergsveinn Birgisson rithöfundur og doktor í norrænum fræðum, Steinunn Jóhannesdóttir rithöfundur, Anna Melsteð þjóðfræðingur, nemendur Grunnskólans í Stykkishólmi, Litla Lúðrasveitin, Svenni Davíðs og Söngsveitir Blær svo fátt eitt sé nefnt.... lesa meira
Snæfell mætir Breiðablik í undanúrslitum VÍS-bikarkeppni kvenna í dag, fimmtudaginn 17. mars, kl. 17:15. Leikurinn fer fram í Smáranum Kópavogi. Hægt er að kaupa miða á leikinn á Stubb appinu og rennur ágóði af miðasölu þaðan til Snæfells.... lesa meira
Nótan uppskeruhátíð tónlistarskóla fer fram næstu helgi á fimm svæðistónleikum um landið. Tilgangur uppskeruhátíðarinnar er að beina kastljósinu að samfélagi tónlistarskóla og tónlistarnemenda. Tónleikar fyrir Vesturland og Vestfirði verða haldnir í Stykkishólmskirkju laugardaginn 19. mars kl. 14:00. Allir eru velkomnir á tónleikana og aðgangur er ókeypis.... lesa meira
Upp er runninn Öskudagur, sem jafnan er mikið tilhlökkunarefni barna víðsvegar um landið. Dagurinn verður með hefðbundnu sniði í Stykkishólmi. Skertur skóladagur er í grunnskólanum og voru börn hvött til að mæta í búningum eða með andlitsmálningu í skólann.... lesa meira
Í gær, mánudaginn 21. febrúar, voru rétt tæplega 60 manns í einangrun í Stykkishólmi. Staðan hefur haft áhrif á starf leik- og grunnskóla en 18 starfsmenn eru frá vinnu í leikskólanum í dag vegna smita. Stjórnendur leikskóla biðla til foreldra og forráðamanna að fylgjast vel með tilkynningum, jafnframt eru þau sem geta beðin um að halda börnum heima til að létta undir.... lesa meira
Síðastliðinn laugardag, þann 12. febrúar, gerðu þau Magnús Ingi Bæringsson, æskulýðs- og tómstundafulltrúi Stykkishólmsbæjar, og Sigga Lóa sér lítið fyrir og sópuðu snjó af svellinu við flugstöðina í Stykkishólmi. Fjöldinn allur af Hólmurum nýtti tækifærið og dustaði rykið af skautunum í kjölfarið.... lesa meira
Appelsínugul viðvörun við Breiðafjörð tekur gildi kl. 05:00 í nótt, aðfaranótt mánudagsins 7. febrúar, og gildir til 09:00. Gert er ráð fyrir suðaustan 20-28 m/s með snjókomu og skafrenningi. Íbúum er bent á að huga vel að lausamunum og bátaeigendum bent á að tryggja að bátar þeirra séu tryggilega bundnir við bryggju. ... lesa meira
Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 30 mínútur daglega.... lesa meira
Stykkishólmsbær óskar eftir karlkyns starfsmanni til starfa í íþróttamiðstöð Stykkishólmsbæjar frá og með 1. mars nk. Umsækjendur þurfa að hafa náð 18 ára aldri. Allar nánari upplýsingar veitir Arnar Hreiðarsson, forstöðumaður Íþróttamiðstöðvar. Umsóknum skal skilað fyrir 3. febrúar.... lesa meira
Samkvæmt upplýsingum umdæmislæknis sóttvarna í dag, mánudag, eru nú 14 íbúar í einangrun með virk smit og 86 í sóttkví í Stykkishólmi og nágrenni. Flest börn í 6. bekk Grunnskólans í Stykkishólmi eru í sóttkví en meiri hluti barna í 5. og 7. bekk eru í smitgát. Umtalsverður fjöldi þeirra sem eru í sóttkví í Stykkishólmi og nágrenni eru fullorðnir.... lesa meira
Slöbbum saman er skemmtilegt og spennandi samstarfsverkefni sem UMFÍ, ÍSÍ, Landlæknisembættið og Sýn fara nú af stað með og miðar að því að fá fólk til að hreyfa sig.... lesa meira
Leikskólinn í Stykkishólmi auglýsir lausar stöður leikskólakennara frá 1. mars 2022. Gerð er krafa um góða tölvu-og íslensku kunnáttu, færni í samskiptum er nauðsynleg og metnaður fyrir leikskólakennslu. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis-og kennslustörfum með ungum börnum er æskileg. Athugið að starfið hentar bæði körlum og konum.... lesa meira
Líkt og hefð hefur skapast fyrir eru veitt verðlaun fyrir best skreytta húsið í Stykkishólmi fyrir jólin. Níundi bekkur grunnskólans sá um valið og veitti viðurkenningu fyrir en það var fjölskyldan að Hjallatanga 4 sem hlaut viðurkenninguna þetta árið. Við óskum þeim innilega til hamingju.... lesa meira
Tekin hefur verið sú varúðarráðstöfun að fresta jólalest Tónlistarskóla Stykkishólms sem til stóð að aka um bæinn í dag, 8. desember, sökum þess að upp hefur komið eitt covidsmit í Stykkishólmi. Er það gert til þess að gæta fyllstu varúðar. Fólk er beðið um að vera meðvitað um stöðuna og efla sínar persónubundnu sóttvarnir. ... lesa meira
Jólalest Tónlistarskóla Stykkishólms ekur um bæinn á milli kl. 18 og 19 miðvikudaginn 8. desember og spilar á völdum stöðum til að gleðja gesti og gangandi með jólatónlist. Með í för verða jólasveinar með jólasleðann góða sem þeir afhentu bæjarbúum fyrir síðustu jól en nú er kominn tími til að koma honum fyrir á góðum stað til að gleðja bæjarbúa.... lesa meira
Jólalest Tónlistarskóla Stykkishólms sem til stóð að aka um bæinn næstkomandi laugardag, 4. desember, hefur verið frestað. Íbúar þurfa þó ekki að örvænta því hún mun fara sína leið í næstu viku og verður það auglýst þegar nær dregur.... lesa meira
Það hefur eflaust ekki farið framhjá bæjarbúum að ljósin á jólatrénu í Hólmgarði hafa verið tendruð. Tréð var valið af íbúum Stykkishólms, líkt og í fyrra, og er glæsilegt sitkagreni sem gróðursett var í Sauraskógi um 1970.... lesa meira
Þann 1. desember næstkomandi verða ljós tendruð á jólatrénu í Hólmgarði. Í ljósi aukinna smita í samfélaginu verður viðburðurinn með svipuðu sniði og í fyrra. Grunnskólabörn í 1.-4. bekk munu eiga samverustund í Hólmgarði að morgni 1. desember þegar 1. bekkur tendrar ljósin.... lesa meira
Laugardaginn 20. nóvember verður sannkölluð körfuboltaveisla í Stykkishólmi. Tveir leikir hjá meistaraflokkum Snæfells fara fram á laugardaginn, annars vegar mætir Snæfell (kk) KR B kl. 13:00 og hinsvegar mætir Snæfell (kvk) Ármanni kl. 16:00. Báðir leikir fara fram í íþróttamiðstöðinni í Stykkishólmi.... lesa meira
Foreldrafélag Grunnskólans í Stykkishólmi stendur fyrir hrekkjavökugöngu og böllum fyrir nemendur grunnskólans fimmtudaginn 28. október. Gangan fer frá Grunnskólanum kl. 18:00 og verður gengið í hús á milli 18 og 19 þar sem börn safna sér nammi, eins og þekkt er. Gengið verður út frá þeirri reglu að banka megi uppá þar sem hús hafa verið skreytt í tilefni Hrekkjavökunnar.... lesa meira
Síðastliðinn sunnudag, 26. september, hélt Hjalti Hrafn Hafþórsson fyrirlestur í ljósmyndasal Amtsbókasafnsins í Stykkishólmi undir yfirskriftinn útivist með börnum og góð áhrif nátttúrunnar í leik og starfi. Fyrirlesturinn var haldinn sem liður í dagskrá Heilsudaga í Hólminum og var hann tekinn upp og gerður aðgengilegur á YouTuberás Stykkishólmsbæjar.... lesa meira
Heilsuefling verður áberandi í Stykkishólmi dagana 29. september til 3. október þegar haldnir er Heilsudagar í Hólminum sem hluti af ÍSÍ íþróttaviku Evrópu.... lesa meira
Nemendur 3. bekkjar Grunnskólans í Stykkishólmi heimsótti bæjarstjórann í dag, fimmtudag, í Ráðhúsið. Í tilefni af gönguátaki skólanna fóru nemendur í umhverfisgöngu um Stykkishólm og punktuðu niður hvað mætti betur fara í umhverfinu. Í kjölfarið óskuðu þau eftir fundi með bæjarstjóra og komu svo færandi hendi með athugasemdir á blaði fyrir bæjarstjóra.... lesa meira
Tónlistarskóli Stykkishólms óskar eftir að ráða ræstitækni í 25% stöðu. Launakjör eru samkvæmt kjarasamningum sveitarfélaga og viðkomandi stéttarfélags.... lesa meira
Greint var frá því fyrr í sumar að unnið væri að uppsetningu á frisbígolfvelli í Stykkishólmi. Völlurinn var settur upp í lok júlí og notið töluverðra vinsælda síðan. Fyrr í þessari viku kom svo sérfræðingur í þessum efnum til að reka smiðshöggið á völlinn.... lesa meira
Í sumar var greint frá því að unnið væri að því að koma upp klifurvegg í íþróttamiðstöðinni. Þeirri framkvæmd er nú lokið og hefur glæsilegur veggur verið tekinn í notkun. Kristján Sveinsson, í samstarfi við Stykkishólmsbæ, sótti um styrk í uppbyggingasjóð Vesturlands og hlaut þaðan styrk í verkefnið upp á 500.000 kr. ... lesa meira
Tónlistarskóli Stykkishólms óskar eftir gítarkennara í 50% starfshlutfall. Kennt er samkvæmt Aðalnámskrá Tónlistarskólanna.... lesa meira
Árlegur sumarlestur Amtsbókasafnins er farinn af stað og verður í allt sumar. Í ár verður boðið upp á sumarlestur fyrir börn og fullorðna. Ungir lesendur geta bætt einum miða í bókaorminn í barnadeildinni fyrir hverja bók sem þeir lesa. Í hverjum mánuði er dreginn út einn heppinn lesandi sem fær verðlaun. Í lok sumars fá allir sem taka þátt í sumarlestrinum glaðningin auk þess sem sá eða sú sem á flesta miða í orminum fær vegleg verðlaun.... lesa meira
Stykkishólmsbær býður ungmennum með lögheimili í Stykkishólmi sumarvinnu í Vinnuskólanum. Opnað hefur verið fyrir skráningu fyrir sumarið 2021. Vinnuskólinn er fyrir ungmenni fædd árin 2004, 2005, 2006, 2007 og 2008. ... lesa meira
Í sumar verður boðið upp á leikjanámskeið fyrir 1.-3. bekk líkt og síðustu ár og ævintýranámskeið fyrir 4.-7. bekk líkt og síðasta sumar. Á námskeiðunum er lögð áhersla á gleði og hreyfingu.... lesa meira
Síðastliðinn fimmtudag þann 20. maí, fóru fram skólaslit Tónlistarskóla Stykkishólms í Stykkishólmskirkju. Venju samkvæmt var tónlist í fyrirrúmi og léku nemendur skólans vel valin verk. ... lesa meira
Bæjarstjórn Stykkishólmsbæjar samþykkti samhljóða á fundi sínum í gær breytingar sem fela í sér samrekstur grunnskóla og tónlistarskóla Stykkishólmsbæjar frá og með skólaárinu 2021-2022, en markmið þessara breytinga er fyrst og fremst að auka mátt tónlistar í sveitarfélaginu með því að auka svigrúm til faglegrar stjórnunar og ríkari kennsluskyldu sem byggi undir gæði náms og möguleika til kennslu, sem og flæði tónlistarskóla eða tónlistanáms í grunnskólanum. Þá styður breytingin jafnframt við framtíðaráform Stykkishólmsbæjar um stækkun grunnskólans og byggingar tónlistarskóla við grunnskólann.... lesa meira
Nú um áramótin gekk sú breyting í gildi að aðild að Amtsbókasafninu í Stykkishólmi var gerð ókeypis. Nú geta því allir nýtt sér allan safnkost Amtsbókasafnsins án þess að draga upp veskið. Á bókasafninu er veitt fjölbreytt þjónusta. Auk þess að lána út bækur og tímarit eru til útláns DVD diskar, kvikmyndir og sjónvarpsþáttaraðir. Nýverið var auk þess tekið upp á því að lána út borðspil. Amtsbókasafnið er auk þess aðili að Rafbókasafninu.... lesa meira
Grunnskólinn í Stykkishólmi auglýsir 50% tímabundna stöðu forfallakennara frá 1. febrúar nk.... lesa meira
Vert er að minna bæjarbúa á að í samráði við lögreglu hefur verið tekin ákvörðun um að aflýsa áramóta- og þrettándabrennum í ár í samræmi við sóttvarnareglur. Veðrið leikur hinsvegar við okkur þessa dagana og eru áframhaldandi horfur á heppilegu veðri til útivistar næstu daga. Því er um að gera að njóta veðursins og bregða sér í göngu eða út að leika með börnunum. Á gamlársdag er svo útlit fyrir hægan vind og bjart veður víða á landinu, en þó eru líkur á lítilsháttar skúrum eða éljum um landið vestanvert.... lesa meira
Líkt og hefð hefur skapast fyrir eru veitt verðlaun fyrir best skreytta húsið í Stykkishólmi fyrir jólin. Níundi bekkur grunnskólans sá um valið og var það fjölskyldan að Hjallatanga 26 sem hlaut viðurkenninguna þetta árið. Við óskum þeim innilega til hamingju.... lesa meira
Næstkomandi laugardag, 12.desember, verður jólalest Tónlistarskóla Stykkishólms á ferðinni. Lestin stoppar á völdum stöðum þar sem nemendur Tónlistarskólans flytja jólalög.... lesa meira
Samkomubann mun áfram miðast við tíu manns til 12. janúar með nýjum sóttvarnareglum sem taka gildi á morgun, fimmtudaginn 10. desember. Sundlaugum landsins verður heimilt að opna á ný en þó með takmörkunum líkt og fyrr. Í ljósi þessa opnar sundlaugin í Stykkishólmi kl. 07.05 í fyrramálaið, venju samkvæmt.... lesa meira
Fjölbrautaskóli Snæfellinga býður upp á nám í íslensku fyrir þá sem eru með annað móðurmál. Ef þú ætlar að búa og starfa á Íslandi þarftu að ná góðum valdi á töluðu og rituðu máli og því ekki að skella sér í nám. Við bjóðum upp á grunnáfanga í ensku, stærðfræði og upplýsingatækni auk náms á framhaldsskóla- og stúdentsbrautum.... lesa meira
Auglýst var snemma í nóvember að íbúar gætu valið jólatréð sem sett verður upp í Hólmgarði í ár. Valið stóð á milli sitkagreni og stafafuru sem bæði standa í Sauraskógi og voru valin í samvinnu við skógræktarfélag Stykkishólms.... lesa meira
Ratleikja Appið er auðvelt og skemmtilegt leikjaapp fyrir alla fjölskylduna. Appið býður upp á ratleiki í mismunandi bæjarfélögum á Íslandi og er aðgengilegt öllum. Appið er auðvelt í notkun, en leikirnir eru bæði fyrir unga sem aldna... lesa meira
Dagur íslenskrar tungu er haldinn 16. nóvember ár hvert á fæðingardegi Jónasar Hallgrímssonar. Í tilefni af honum skorar Stykkishólmsbær á íbúa að taka þátt og setja orð í glugga líkt og gert var við bangsa fyrr á árinu.... lesa meira
Ný reglugerð um takmörkun á skólastarfi vegna farsóttar tók gildi nú í morgun og gildir til og með 17. nóvember nk., með fyrirvara um breytingar. Markmiðið með reglugerðinni er að tryggja að sem minnst röskun verði á skólastarfi vegna COVID-19 sjúkdómsins með ýtrustu sóttvarnarsjónarmið að leiðarljósi.... lesa meira
Haustfrí er í Grunnskólanum í Stykkishólmi í dag og á morgun, 2. og 3. nóvember. Þriðjdaginn 3. nóvember tekur gildi ný reglugerð heilbrigðisráðherra um takmörkun á skólastarfi vegna hertra sóttvarnaraðgerða.... lesa meira
Auglýst er laus til umsóknar 50% tímabundin staða forfallakennara. Í Grunnskólanum í Stykkishólmi eru 150 nemendur. Gleði – samvinna – sjálfstæði eru einkunnarorð skólans og störfum við eftir Uppeldi til ábyrgðar. Umsækjendur þurfa að vera tilbúnir til að efla starfið enn frekar í þeim anda. Stykkishólmsbær eða „Bærinn við eyjarnar“ er 1200 manna bær á Snæfellsnesi með fallega náttúru og öflugt mannlíf. Í Stykkishólmi er vottað heilsueflandi vatn í sundlauginni.... lesa meira
Félags- og skólaþjónusta Snæfellinga auglýsir laus til umsóknar eftirtalin störf: Forstöðumaður Smiðjunnar, Náms- og starfsráðgjafi.... lesa meira
Grunnskólinn í Stykkishólmi auglýsir eftir fulltrúa grenndarsamfélags í skólaráð. Skólaráð sinnir því hlutverki að vera samstarfsvettvangur skólastjóra og skólasamfélags um skólahald. Skólaráð tekur þátt í stefnumörkun fyrir skólann og mótun sérkenna hans. Ráðið er skipað níu einstaklingum, til tveggja ára í senn, og saman stendur af tveimur kennurum, starfsmanni skóla, tveimur nemendum, tveimur foreldrum, skólastjóra og fulltrúa grenndarsamfélags.... lesa meira
Viðbragðsteymi Stykkishólmsbæjar fundaði með sóttvarnaryfirvöldum á Vesturlandi í dag. Fram kom að COVID-19 faraldurinn hefur á síðustu dögum færst í aukana. Á Vesturlandi eru nú 11 með staðfest smit og í einangrun. Á fundinum var ákveðið að grípa til varúðarráðstafana vegna fjölgunar smita í Stykkishólmi. ... lesa meira
Starfsemi leikskólans í Stykkishólmi hófst á ný eftir sumarfrí mánudaginn 10. ágúst. Ekki var annað að sjá en börnin væru ánægð með að mæta aftur í leikskólann eftir mánaðarfjarveru.... lesa meira
Í morgunhúmi í janúar staulast röð af börnum í gulum vestum með kennurunum sínum í gegnum skaflanna á leið frá leikskólanum og upp í Nýrækt, eða í skóginn eins og þau orða það. Sum ganga á hlið eða afturábak, „ með rassinn út í vindinn”, til að skýla andlitinu fyrir skafrenningnum, en þó eru öll glöð og brosandi. Maður lætur ekki veðrið á sig fá þegar maður er á leiðinni í ævintýri.... lesa meira
Grunnskólinn í Stykkishólmi auglýsir eftir íþróttakennara og dönskukennara.... lesa meira
Í sumar verður boðið upp á leikjanámskeiðið fyrir 1.-3. bekk líkt og síðustu ár og ævintýranámskeið fyrir 4.-7. bekk líkt og síðasta sumar. Á námskeiðunum er lögð áhersla á gleði og hreyfingu.... lesa meira
Leikskólinn í Stykkishólmi auglýsir lausar stöður frá og með 10. ágúst 2020 Um er að ræða þrjár 100% stöður leikskólakennara. Gerð er krafa um góða tölvu-og íslenskukunnáttu, færni í samskiptum er nauðsynleg og metnaður fyrir leikskólakennslu. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis-og kennslustörfum með ungum börnum er æskileg. Athugið að starfið hentar bæði körlum og konum. ... lesa meira
Grunnskólinn í Stykkishólmi sagði nú á dögunum frá Tæknistöðinni á facebooksíðu sinni sem vakti mikla athygli. Tæknistöðin er hópur í sköpun á miðstigi sem lauk vetrarstarfi sínu nú fyrir skemmstu. Sköpun er fag innan Gunnskólans sem leggur m.a. áherslu á list- og verkgreinakennslu með það að markmiði að þjálfa nemendur í skapandi vinnu.... lesa meira
Grunnskólinn í Stykkishólmi auglýsir eftirfarandi stöður lausar frá 1. ágúst 2020.... lesa meira
Tilkynning frá Stykkishólmsbæ vegna skerðingar á skólastarfi vegna farsóttar (COVID-19). Eins og komið hefur fram í fjölmiðlum hefur heilbrigðisráðherra ákveðið að virkja heimildir sóttvarnalaga sem felur m.a. í sér að skólahald kunni að skerðast næstu fjórar vikur. ... lesa meira
Grunnskólinn í Stykkishólmi óskar eftir forfallakennara í 15 tíma á viku. Viðkomandi þarf að geta hafið störf 3. janúar næstkomandi. Laun og starfskjör eru samkvæmt kjarasamningum Kennarasambands Íslands ... lesa meira
Á morgun, miðvikudaginn 6. nóvember, hefst vetrarfrí í Grunnskólanum í Stykkishólmi. Kennsla hefst svo aftur þriðjudaginn 12. nóvember. Nóg verður við að vera í Amtsbókasafninu á meðan vetrarfríi stendur. Alla dagana verður börnum boðið að spila, lita, leika við bangsa og skoða bækur. Auk þess er alltaf heitt á könnunni. ... lesa meira
Fréttabréf Tónlistarskóla Stykkishólms fyrir októbermánuð er komið út. En þar er að finna yfirlit yfir tónleikahald í haust auk helstu frétta frá Tónlistarskólanum. Þar kemur m.a. fram að nokkur ný hljóðfæri hafi verið keypt á dögunum, þar á meðal tveir vandaðir gítarar, tvö ukulele, þverflautur, túba og rafmagnspíanó ætlað til útleigu.... lesa meira
Á morgun, fimmtudag, fer fram skólasetning Grunnskólans í Stykkishólmi. Athöfnin fer fram kl 10:00 á Amtsbókasafninu. Kennsla hefst svo samkvæmt stundaskrá föstudaginn 23. ágúst kl 08:05.... lesa meira
Nú í byrjun skólaársins hófu tveir nýir starfsmenn störf í leikskólanum, Monika Kiersznowska á Bakka og Snæbjört Sandra Gestsdóttir á Ási. Í byrjun september mun Petrea Mjöll Elfarsdóttir hefja störf á Nesi en fram að því mun Hjalti verða þar en hann er svo á leið í leyfi fram að áramótum. Sóley hefur flutt frá Bakka yfir á Nes. Sigrún tekur aftur við leikskólastjórastöðunni 1. september eftir árs námsleyfi. Berglind Ósk mun þá fara í stöðu sérkennslustjóra og Elísabet Lára aftur í stöðu aðstoðarleikskólastjóra með einhverja viðveru inni á deildum. Nanna og Hulda koma aftur inn 1. október eftir leyfi. Leikskólinn telst því fullmannaður fyrir veturinn og hafa fyrstu dagarnir í aðlögunum á milli deilda gengið ljómandi vel 😊 Aðlögun nýrra nemenda hefst svo þriðjudaginn 20. ágúst en lokað er vegna skipulagsdags mánudaginn 19. ágúst en þá verða starfsmenn m.a. á námskeiði. ... lesa meira
Vaskur hópur foreldra og starfsmanna með Siggu Lóu í verkstjórn og Jón Beck aðalreddara réðst í ýmis verkefni á leikskólalóðinni síðdegis í gær, miðvikudaginn 19. júní. Hafist var handa kl. 17 og endað í grilli tveimur tímum síðar. Á meðal verkefna dagsins var þessi pallur við útieldhúsið okkar sem sést hér á meðfylgjandi mynd, en strax í morgun voru börnin komin þar í leik. Þetta var reglulega skemmtilegt og gaman að sjá hvað allir demdu sér í verkin af miklu frumkvæði og fundu góðar lausnir. Myndir eru komnar inn á heimasíðuna.... lesa meira
Opið er fyrir innritun á næsta skólaár Tónlistaskólans í Stykkishólmi. Innritun hefur gengið vel fyrir næsta skólaár og virðist aðsókn ætla að vera með besta móti, en þeir sem sækja um skólavist fyrir 8. júní njóta forgangs þegar raðað er inn í skólann í haust. ... lesa meira
Lausar eru til umsóknar stöður leikskólakennara við Leikskólann í Stykkishólmi frá 12. ágúst 2019. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis- og kennslustörfum með ungum börnum er æskileg. ... lesa meira
Við auglýsum eftir textílkennara í 50% stöðu frá og með 16. janúar 2017 í afleysingar út skólaárið.... lesa meira
Stutt er í að við hefjum nýtt skólaár. Reiknað er með að úthlutun spilatíma frai fram fljótlega og að kennsla geti hafist um miðja næstu viku.... lesa meira
Leikskólinn opnaði á ný eftir sumarfrí mánudaginn 8. ágúst og hefur þessi fyrsta vika einkennst af aðlögun og flutningi nemenda á milli deilda sem tekur mislangan tíma eftir aldri barnanna.... lesa meira
Búið er að ráða í allar stöður fyrir næsta skólaár. ... lesa meira
Í morgun tók Berglind Axelsdóttir formlega við af Gunnari Svanlaugssyni sem skólastjóri grunnskólans.... lesa meira
