Sveitarfélagið Stykkishólmur

Sveitarfélagið Stykkishólmur takmarkar hækkanir almennra gjaldskráa við 2,5% árið 2027

Mon, 05 Oct 2026 08:20:00 +0000

Bæjarstjórn Stykkishólms samþykkti á fundi sínum 1. október að hækkanir almennra gjaldskráa sveitarfélagsins verði að hámarki 2,5% árið 2027. Verður það lagt til grundvallar við gerð fjárhagsáætlunar fyrir árið 2027 í samræmi við forsendur fjárhagsáætlunar sem lágu til afgreiðslu á fundinum.

Auglýsing um skipulag

Thu, 01 Oct 2026 08:00:00 +0000

Á 47. fundi bæjarstjórnar þann 30. apríl 2026 var samþykkt að auglýsa eftirfarandi deiliskipulagsbreytingar, skv. 1. mgr. 41. gr. skipulagslaga nr. 123/2010. Vatnsás í Víkurhverfi. Breytingin nær til svæðis syðst í Víkurhverfi. Skipulagssvæðið minnkar þar sem stór hluti svæðisins er illbyggilegur, göturnar Móvík og Sundvík falla út, fjöldi íbúða fer úr 21-32 í 14-28 og heimilt er að byggja parhús og einbýli. Lóðin R1 helst óbreytt í stærð en fer úr 2-4 íbúðir í 3-6. (Mál nr. 1120/2026 í Skipulagsgátt).

52. fundur bæjarstjórnar Stykkishólms

Tue, 29 Sep 2026 17:00:00 +0000

52. fundur bæjarstjórnar Stykkishólms fer fram fimmtudaginn 1. október 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Ungmennaþing Vesturlands

Tue, 22 Sep 2026 10:00:00 +0000

Ungmennaþing Vesturlands verður haldið á Hótel Borgarnesi helgina 25.-27.september 2026. Um er að ræða samstarfsverkefni sveitarfélaga á Vesturlandi, Ungmennaráðs Vesturlands og Samtaka sveitarfélaga á Vesturlandi (SSV) og er fjármagnað af Sóknaráætlun Vesturlands.

Laus pláss í tónlistarnám

Fri, 18 Sep 2026 14:22:00 +0000

Tónlistarskóli Stykkishólms auglýsir eftir nemendum. Nokkur laus pláss eru í söngnám, trommu- og slagverksnám, kornett-, trompet-, horn- og básúnunám. Áhugasamir eru hvattir til að kynna sér námið og sækja um á vefsíðu skólanns.

Heilsudagar í Hólminum 2026

Thu, 17 Sep 2026 14:34:00 +0000

Heilsudagar í Hólminum eru haldnir dagana 23. - 30. september í tilefni af íþróttaviku Evrópu. Markmið vikunnar er að kynna íþróttir og hreyfingu fyrir almenningi sem getur hentað öllum óháð aldri, bakgrunni eða líkamlegu ástandi og sporna þannig við auknu hreyfingarleysi meðal almennings.

Hannesarsteinn færður vegna framkvæmda

Thu, 17 Sep 2026 13:10:00 +0000

Hannesarsteinn, sem staðið hefur við Stykkishólmsveg við afleggjarann að kirkjugarði og Nýrækt, var færður nú í morgun, miðvikudaginn 17. september. Eins og fram hefur komið á vef sveitarfélagsins þurfti steininn að víkja vegna framkvæmda sem nú standa yfir við Stykkishólmsveg.

Litahlaup í Stykkishólmi

Wed, 16 Sep 2026 14:27:00 +0000

Föstudaginn 18. september verður Litahlaup Grunnskólans í Stykkishólmi haldið í fyrsta sinn. Dagurinn er fyrsti uppbrotsdagur skólaársins en undanfarin ár hefur verið skólahlaup á þessum degi, en nú í ár verður litahlaup í fyrsta sinn. Hlaupið verður ræst kl. 11:30 við Grunnskólann í Stykkishólmi eftir létta upphitun. Reiknað er með að hlaupinu ljúki svo um 12:30 á sama stað. Að hlaupi loknu verður nemendum boðið upp á hádegishressingu við skólann. Hringurinn er 1,6 km.

Opið fyrir styrkumsóknir bæjarstjórnar

Wed, 16 Sep 2026 10:35:00 +0000

Bæjarstjórn Stykkishólms auglýsir eftir styrkumsóknum frá einstaklingum og fyrirtækjum í samræmi við reglur um styrkveitingar. Markmiðið með styrkjum bæjarstjórnar Stykkishólms er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi.

Réttað í Arnarhólsrétt

Wed, 16 Sep 2026 10:19:00 +0000

Gengið verður til leitar í Arnarhólsrétt laugardaginn 19. september næstkomandi. Réttað verður sunnudaginn 20. september og hefst réttarhald kl. 11.00. Seinni leitir verða laugardaginn 3.október og réttað sama dag.

Hannesarsteinn verður færður

Mon, 14 Sep 2026 08:17:00 +0000

Framkvæmdir við Stykkishólmsveg hófust í lok apríl þegar slitlag var fræst ofan af veginum frá afleggjara á Búðarnesveg og uppúr bænunum. Vegagerðin stendur fyrir framkvæmdinni sem er langt komin. Framkvæmdirnar ná yfir um 3,4 kílómetra kafla og fela í sér breikkun og styrkingu vegar, nýlögn ræsa og nýlögn á bundnu slitlagi. Gert er ráð fyrir að vegurinn verði 8 metra breiður, með tveimur 3,5 m breiðum akbrautum og 0,5 m breiðum öxlum.

Vaðlaugin lokuð vegna viðhalds - Lengri opnun á sunnudag

Thu, 03 Sep 2026 11:36:00 +0000

Vegna viðhaldsvinnu verður vaðlaugin lokuð frá föstudegi, 4. september, fram í næstu viku. Sunnudaginn 6. september verður opnunartími lengri en vant er á sunnudögum, opið verður til kl. 18:30. Kvennaráð Mostra heldur Vesturlandsmót kvenna þann 6. september í Stykkishólmi. Gert er ráð fyrir um 50 þátttakendum á mótinu en opnunartími er framlengur í samráði við Mostra svo keppendur hafi kost á því að fara í sund að móti loknu.

Starf í íþróttamiðstöð Stykkishólms

Wed, 02 Sep 2026 11:25:00 +0000

Sveitarfélagið Stykkishólmur óskar eftir að ráða konu í starf í Íþróttamiðstöð Stykkishólms. Um er að ræða framtíðarstarf í 100% vaktavinnu, unnið er á morgun, kvöld og helgarvöktum í samræmi við opnunartíma. Æskilegt að umsækjandi geti hafið störf í byrjun desember 2026.

Átak vegna skráninga fasteigna í sveitarfélaginu

Wed, 02 Sep 2026 09:42:00 +0000

Skipulagsfulltrúa hefur, í samstarfi við byggingarfulltrúa, verið falið að skoða nánar skráningarmál eigna í sveitarfélaginu og setja á laggir átak vegna óskráða fasteigna. Unnið verður að yfirferð og samanburði upplýsinga og haft samband við eigendur eftir því sem tilefni er til. Eigendur sem telja að upplýsingar um eignir þeirra séu ekki réttar eru jafnframt hvattir til að kynna sér skráningu eignarinnar og koma leiðréttingum á framfæri eftir því sem við á. Hægt er að hafa samband við skipulagsfulltrúa í síma 433-8100 á opnunartíma Ráðhússins eða með tölvupósti: skipulag@stykkisholmur.is

Starf í Höfðaborg

Tue, 01 Sep 2026 13:25:00 +0000

Sveitarfélagið Stykkishólmur auglýsir laust til umsóknar starf við þrif í Höfðaborg. Starfshlutfall er 25% og um framtíðarstarf er að ræða. Starfsstöðin er í Höfðaborg, Skólastíg 14, í Stykkishólmi. Starfið felst í almennum þrifum í húsnæði Höfðaborgar, að eldhúshluta þess undanskildu, skv. fyrirliggjandi þrifaáætlun. Umsækjendur þurfa hafa reynslu af störfum við ræstingar, búa yfir sjálfstæði í vinnubrögðum og lipurð og færni í mannlegum samskiptum. Launakjör eru samkvæmt kjarasamningi Sambands ísl. sveitarfélaga við viðkomandi stéttarfélag.

Tölum saman um líðan og tengsl

Tue, 01 Sep 2026 11:27:00 +0000

Barnaheill og Geðhjálp taka höndum saman og ferðast um landið í haust. Þar verður fundað með efstu bekkjum grunnskóla um líðan og veruleika ungmenna á hverjum stað. Lögð verður áhersla á samskipti, tengsl og líðan. Fundurinn fer fram á skólatíma og tekur um 2,5 klst. og lýkur með því að nemendum er boðið í pizzaveislu.

Agnes, áföll og valdbeiting - uppelstur Gyðu Ölvisdóttur

Fri, 28 Aug 2026 10:39:00 +0000

Guðrún Gyða Ölvisdóttir verður með upplestur úr nýútkominni bók sinni, Agnes, áföll og valdbeiting, í Norska húsinu föstudaginn 28. ágúst kl. 15:00. Öll hjartanlega velkomin, léttar veitingar í boði.

51. fundur bæjarstjórnar Stykkishólms

Tue, 25 Aug 2026 17:00:00 +0000

51. fundur bæjarstjórnar Stykkishólms fer fram fimmtudaginn 27. ágúst 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Íþróttastarf hefst á ný

Tue, 25 Aug 2026 13:30:00 +0000

Ný tímatafla Snæfells fyrir veturinn 2026-2027 hefur litið dagsins ljós. Vetrarstarf félagsins hefst í dag samhliða skólastarfi. Vetrarstarf Heilsuhraustra Hólmara 60+ hefst svo næstkomandi mánudag, 31. ágúst, eftir sumarfrí. Íbúar, ungir sem aldnir, eru hvattir til að kynna sér það fjölbreytta og umfangsmikla íþróttastarf sem boðið er uppá í Stykkishólmi en þar ættu allir að finna eitthvað við sitt hæfi sem eflir bæði líkama og sál.

Þjóðaratkvæðagreiðsla 2026

Mon, 17 Aug 2026 12:16:00 +0000

Kjörfundur í Sveitarfélaginu Stykkishólmi vegna þjóðaratkvæðagreiðslu verður laugardaginn 29. ágúst 2026 í Grunnskólanum í Stykkishólmi, Borgarbraut 6. Kjörfundur hefst kl. 10:00 og lýkur kl. 18:00. Kjörskrá liggur frammi til kjördags í Ráðhúsi Stykkishólms alla virka daga á opnunartíma. Kjósendur geta einnig séð á heimasíðu Þjóðskrár hvar þeir eru á kjörskrá. Kynningarvefur landskjörstjórnar um þjóðaratkvæðagreiðslu 29. ágúst er www.thjodaratkvaedi.is/