Sveitarfélagið Stykkishólmur

Þjóðaratkvæðagreiðsla 2026

Mon, 17 Aug 2026 12:16:00 +0000

Kjörfundur í Sveitarfélaginu Stykkishólmi vegna þjóðaratkvæðagreiðslu verður laugardaginn 29. ágúst 2026 í Grunnskólanum í Stykkishólmi, Borgarbraut 6. Kjörfundur hefst kl. 10:00 og lýkur kl. 18:00. Kjörskrá liggur frammi til kjördags í Ráðhúsi Stykkishólms alla virka daga á opnunartíma. Kjósendur geta einnig séð á heimasíðu Þjóðskrár hvar þeir eru á kjörskrá. Kynningarvefur landskjörstjórnar um þjóðaratkvæðagreiðslu 29. ágúst er www.thjodaratkvaedi.is/

Áminning frá forvarnarteymi Snæfellsness og lögreglunni á Vesturlandi

Fri, 14 Aug 2026 09:21:00 +0000

Hér að neðan er áminning frá forvarnarteymi Snæfellsness og lögreglunni á Vesturlandi varðandi ábyrgð foreldra og hættur sem stafa að eftirlitslausum unglingasamkomum á bæjarhátíðum og öðrum hátíðum. Um helgina eru bæði Danskir dagar í Stykkishólmi og Iceland Eclipse á Hellissandi.

Nýr söngkennari í Stykkishólmi

Wed, 12 Aug 2026 09:26:00 +0000

Tónlistarskóli Stykkishólms vekur athygli á því að Hólmarinn Friðrik S. Kristinsson er fluttur aftur heim og tekur nú við sem söngkennari tónlistarskólans. Friðrik er lærður söngvari, söngkennari og kórstjóri. Lengst af hefur hann stjórnað og starfað hjá Karlakór Reykjavíkur þar sem hann mun eiga starfslok 1. janúar nk. eftir 38 farsæl ár sem söngstjóri kórsins.

Götulýsing slökkt vegna almyrkva

Mon, 10 Aug 2026 14:24:00 +0000

Götulýsing í Stykkishólmi verður slökkt miðvikudaginn 12. ágúst á meðan almyrkvi á sólu stendur yfir. Almyrkvinn verður sýnilegur í Stykkishólmi og stendur yfir í um 1 mínútu og 28 sekúndur frá Hólminum séð. Með því að slökkva á götulýsingunni er leitast við að draga úr birtu í bænum og skapa sem bestar aðstæður fyrir íbúa til að upplifa þennan einstaka náttúruviðburð. Íbúar sem vilja njóta myrkvans í sem mestu myrkri eru jafnframt hvattir til að huga að útilýsingu við heimili sín og slökkva á ljósum sem kunna að kvikna sjálfkrafa, til dæmis vegna tímastillingar.

Danskir dagar 2026

Mon, 10 Aug 2026 09:59:00 +0000

Danskir dagar verða haldnir í Stykkishólmi dagana 12.–16. ágúst 2026. Hátíðin er ein elsta bæjarhátíð landsins og hefur verið haldin frá árinu 1994. Eftir afar vel heppnaða hátíð árið 2024 er á ný stefnt að fjölbreyttri og líflegri bæjarhátíð þar sem íbúar og gestir koma saman og njóta þess besta sem Stykkishólmur hefur upp á að bjóða.

Hækusýning á Frúarhól

Tue, 04 Aug 2026 15:11:00 +0000

Hækusýning hefur verið sett upp á Frúarhól í þriðja sinn. Anna Sigríður Gunnarsdóttir stendur fyrir sýningunni ásamt höfundi, en hækurnar eru eftir Theodóru Gallant Helgason, og eru á ensku.

Almyrkvi verður 12. ágúst

Tue, 04 Aug 2026 14:40:00 +0000

Þann 12. ágúst 2026 verður almyrkvi á sólu sjáanlegur frá Íslandi í fyrsta sinn síðan 1954. Almyrkvi á sér stað þegar tunglið gengur beint milli sólar og jarðar og skyggir alveg á sólina í örfáar mínútur. Á þeim tíma verður dimmt og hitastig getur jafnvel lækkað lítillega. Fyrir og eftir almyrkva sést deildarmyrkvi, það er þegar tunglið skyggir á hluta sólar.Almyrkvinn sést frá Vestfjörðum, Snæfellsnesi og Vesturlandi, höfuðborgarsvæðinu og Reykjanesskaga.

Hólmarar stigu á svið á Wacken Metal Battle

Thu, 30 Jul 2026 09:20:00 +0000

Hljómsveitin SÓT steig á svið á Wacken Metal Battle í Þýskalandi í gær og stóð sig með miklum glæsibrag fyrir hönd Íslands. Hljómsveitina skipa Hólmararnir Ísleifur Jónsson gítarleikari og Ívar Leo Hauksson bassaleikari ásamt norðlendingunum Arnari Smára Sigurðssyni trommuleikara, Aroni Frey Ívarssyni söngvara og Daníel Hrafni Ingvarssyni gítarleikara. SÓT vann sér þátttökurétt í alþjóðlegu lokakeppninni með sigri í íslensku undankeppninni fyrr á árinu og keppir nú við hljómsveitir víðs vegar að úr heiminum á Wacken Open Air, einni stærstu þungarokkshátíð heims.

Hringabrynjusund í Sundlaug Stykkishólms

Mon, 27 Jul 2026 13:25:00 +0000

Í Íslendingasögunum eru lýsingar á bardögum þar sem einstaklingar berjast á bátum á sjó en detta útbyrðis og þurfa að synda til að bjarga lífi sínu, eins og í Ólafs sögu Tryggvasonar, ellegar sökkva. Til að kynnast betur sögunum okkar efna skipuleggjendur viðburðarins til keppni milli sundlauga í hringabrynjusundi til að komast að því hversu erfitt er að synda "milli skipa" í hringabrynju eins og Ólafur Tryggvason - frá einum bakka grunnu laugarinnar yfir á hinn.

Baldur kominn heim

Thu, 23 Jul 2026 14:43:00 +0000

Breiðafjarðarferjan Baldur sneri heim í dag, fimmtudaginn 23. júlí, eftir að hafa sinnt siglingum milli Landeyjahafnar og Vestmannaeyja frá því í byrjun júní vegna bilunar í Herjólfi. Frá og með morgundeginum, 24. júlí, hefjast svo reglubundnar ferjusiglingar milli Stykkishólms, Flateyjar og Brjánslækjar á ný. Vegagerðin tilkynnti um ákvörðun innviðaráðherra um að færa Baldur til Vestmannaeyja 2. júní eftir að önnur vél Herjólfs bilaði. Baldur hóf siglingar þar 8. júní til að tryggja samgöngur við Eyjar á meðan viðgerð stóð yfir. Á sama tíma tók farþegabáturinn Særún við siglingum til Flateyjar en engar siglingar voru yfir á Brjánslæk.

Taka á honum stóra sínum í Stykkishólmi

Wed, 22 Jul 2026 14:12:00 +0000

Víkingurinn 2026, aflraunakeppni milli sterkustu manna landsins, fer fram dagana 24. - 26. júlí 2026 og fara tvær keppnisgreinar og verðlaunaafhending fram í Stykkishólmi. Sunnudaginn 26. júlí taka kraftajötnar á honum stóra sínum fyrir utan Sjávarpakkhúsið og eru íbúar hvattir til að fjölmenna og styðja keppendur áfram. Að keppni lokinni verður verðlaunaafhending.

Tiltekt á Skipavíkursvæði

Fri, 10 Jul 2026 10:47:00 +0000

Fyrr á þessu ári var ráðist í hreinsunarátak á Reitarvegi. Sveitarfélagið heldur nú áfram hreinsunarátakinu og hvetur nú eigendur lausamuna á Skipavíkursvæði til að nýta gám sem þar hefur verið staðsettur og fegra og hreinsa svæðið. Gámurinn er eingöngu ætlaður fyrir málma og járn og er liður í áframhaldandi átaki sveitarfélagsins til að bæta umgengni og stuðla að snyrtilegum atvinnusvæðum. Sveitarfélagið hvetur alla sem eiga lausamuni úr járni á Skipavíkursvæðinu til að nýta sér gáminn og leggja sitt af mörkum til að gera svæðið snyrtilegra og öruggara.

Starf í íþróttamiðstöð Stykkishólms

Mon, 06 Jul 2026 09:50:00 +0000

Sveitarfélagið Stykkishólmur óskar eftir að ráða karl í starf í í Íþróttamiðstöð Stykkishólms. Um er að ræða framtíðarstarf í 100% vaktavinnu, unnið er á morgun- , kvöld- og helgarvöktum í samræmi við opnunartíma. Æskilegt að umsækjandi geti hafið störf í byrjun september 2026. Umsóknarfrestur er til 31. júlí 2026. Öllum umsóknum verður svarað.

Framkvæmdum við vatnsrennibraut sundlaugar lokið

Tue, 23 Jun 2026 16:22:00 +0000

Framkvæmdum við endurbætur á vatnsrennibraut Sundlaugar Stykkishólms lauk í dag en þær hófust 22. júní. Markmið framkvæmdanna var að auka bæði öryggi og upplifun gesta af brautinni.

Laus staða leikskólakennara í Stykkishólmi

Tue, 23 Jun 2026 14:29:00 +0000

Leikskólinn í Stykkishólmi býður upp á fjölbreytt og gefandi starf í góðu starfsumhverfi þar sem fagmennska, samstarf og vellíðan eru í fyrirrúmi. Leikskólinn óskar eftir að ráða leikskólakennara í 100% starf.

50. fundur bæjarstjórnar Stykkishólms

Tue, 16 Jun 2026 17:00:00 +0000

50. fundur bæjarstjórnar Stykkishólms fer fram fimmtudaginn 18. júní 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Aflraunakeppnin Fjallkonan

Fri, 12 Jun 2026 13:45:00 +0000

Aflraunakeppnin Fjallkonan fer fram 13. og 14. júní þar sem margar af sterkustu konum landsins taka á honum stóra sínum. Um er að ræða kraftakeppni kvenna sem fram fer í Stykkishólmi og Snæfellsbæ. Keppnin hefur vakið mikla lukku en hún er nú haldin í þriðja sinn.

Hátíðarhöld á 17. júní

Fri, 12 Jun 2026 10:39:00 +0000

Þjóðhátíðardagur íslendinga verður haldinn hátíðlegur 17. júní í Stykkishólmi með pompi og prakt. Sirkus Íslands verður með skemmtun við tónlistarskólann kl. 12:00, áður en skrúðgangan arkar niður í Hólmgarð þar sem hátíðardagskrá hefst kl 13:00.

Helstu fréttir komnar út

Thu, 11 Jun 2026 08:30:00 +0000

Helstu fréttir eru komnar út. Blaðinu er ætlað að bæta upplýsingaflæði frá sveitarfélaginu og ná m.a. betur til eldra fólks og þeirra sem nota tölvur í minna mæli. Blaðið er gefið út mánaðarlega og liggur m.a. frammi á Höfðaborg, Í Bónus og Ráðhúsinu þar sem hægt er að nálgast eintak. Þá liggur blaðið einnig frammi á Systraskjóli. Sjötta tölublað ársins kom út í dag, 11. júní. Rafræn útgáfa blaðsins er öllum aðgengileg á vefsíðu sveitarfélagsins en hana má nálgast hér að neðan. Þá er jafnframt vakin athygli á því að eldri útgáfur blaðsins má nálgast hér, undir Helstu fréttir.

Gjaldtaka á hafnarsvæði hefst á ný 15. júní

Wed, 10 Jun 2026 15:37:00 +0000

Gjaldtaka á bílastæðum við höfnina í Stykkishólmi hefst á ný mánudaginn 15. júní nk. Tilgangur gjaldtökunnar er sem fyrr að bæta nýtingu bílastæða, stýra umferð og tryggja tekjur til að viðhalda og bæta aðstöðu á svæðinu. Í kjölfar samráðs við ferðaþjónustuaðila á svæðinu hefur sú breyting orðið á fyrirkomulagi gjaldtöku að gjaldskylda er aðeins á stóra bílaplaninu við minnismerkið á heimleið, bílastæðum undir Súgandisey og á Stykkisbryggju, þar sem rútustæði eru. Ekki verður gjaldskylda á bílastæðum fyrir framan hafnarvogina. Þá hefur sveitarfélagið leigt ferðaþjónustuaðilum á hafnarsvæðinu bílaplanið þar sem söluvagnarnir standa en þar munu þeir ferðaþjónustuaðilar bjóða viðskiptavinum sínum frí bílastæði. Greinargóðar merkingar vegna gjaldtökunnar verða settar upp á hafnarsvæðinu að morgni dags 15. júní. Líkt og áður hafa þeir sem eru með báta í höfninni heimild til að leggja án endurgjalds. Þeim aðilum er bent á að vera í sambandi við hafnarvörð varðandi skráningu á bílnúmerum. Eftirlit með greiðslu fer fram á vegum sveitarfélagsins, þar sem starfsmenn skanna bílnúmer og fletta upp hvort greitt hafi verið fyrir viðveru. Ef greiðsla liggur ekki fyrir, stofnast krafa í heimabanka eiganda ökutækis. Gjald er einungis innheimt ef ökutæki stöðvar innan gjaldskyldu svæðis. Stutt viðkoma eða akstur í gegnum svæðið án þess að leggja telst ekki gjaldskylt. Gjaldskyldu þessa árs líkur 30. september.