Mikil ánægja með siglinganámskeið sem lýkur á morgun með gleði á bryggjunni

Mikil ánægja með siglinganámskeið sem lýkur á morgun með gleði á bryggjunni

Mikil gleði að sjá aftur seglbátana í Stykkishólmshöfn eftir 7 ára fjarveru.

Undanfarnar tvær vikur hefur staðið yfir siglinganámskeið á vegum Siglingaklúbbs Snæfells fyrir börn á aldrinum 10-15 ára.

Á námskeiðinu hefur verið lögð áhersla á undurstöðuatriði við að sigla Topas seglbátum sem eru í eigu Siglingaklúbbsins auk þess sem börnin hafa fengið að sigla kayak og lært almenna umgengni við sjóinn. 

Fullt hefur verið á öll þrjú námskeiðin og mikill áhugi hjá unga fólkinu og foreldrum.

Námskeiðum þetta sumarið lýkur á morgun föstudaginn 16. júlí og í tilefni þess verður fjör á bryggjunni fyrir þá sem hafa tekið þátt í sumar. Eftir busl í sjónum verða grillaðar pylsur og foreldrum þátttakenda er velkomið að mæta og jafnvel prófa að sigla.