Viðurkenning frá Alþjóðaveðurfræðistofnuninni WMO

Viðurkenning frá Alþjóðaveðurfræðistofnuninni WMO

Alþjóðaveðurfræðistofnunin WMO veittti nýlega tveimur veðurathuganarstöðvum á Íslandi viðurkenningu fyrir meira en 100 ára samfellda mælisögu. Þetta er stöðin að Teigarhorni í Berufirði og stöðin í Stykkishólmi.

 

Í tilefni viðurkenningarinnar efnir Norska húsið til stuttrar dagskrár föstudaginn 17. maí. Dagskráin hefst kl. 11:30 með stuttum fróðleikserindum frá Veðurstofu Íslands í Eldfjallasafninu en í lokin mun Árni Snorrason, forstjóri Veðurstofu Íslands afhjúpa viðurkenningarskjöld Alþjóðaveðurfræðistofnunarinnar í Norska húsinu.

Fróðleikserindi kl. 11:30 í Eldfjallasafni:

„Veðurbók nr. 1“ Kristín Björg Ólafsdóttir, sérfræðingur í veðurgögnum segir stuttlega frá sögu veðurathugana í Stykkishólmi.

 „Tæpum tveimur öldum síðar“ Óðinn Þórarinsson, framkvæmdastjóri Athugana- og tæknisviðs, veitir innsýn í tækniheim veðurathugana dagsins í dag.

Kl. 12:00: Gengið yfir í Norska húsið þar sem Árni Snorrason, forstjóri Veðurstofu Íslands, afhjúpar viðurkenningarskjöld Alþjóðaveðurfræðistofnunarinnar.

Dagskrá lýkur kl. 12:30

Léttar veitingar í boði.

Allir hjartanlega velkomnir.