Stök frétt

Ný stúkusæti vígð við hátíðlega athöfn

Föstudaginn 17. ágúst s.l. áttust við lið Snæfells og Berserkja í 4. deild karla í knattspyrnu. Leiknum lauk með 1-1 jafntefli, en Snæfellingar eiga enn möguleika á að komas í 8 liða úrslit um sæti í 3. deild.

Fyrir leikinn þakkaði bæjarstjóri, Jakob Björgvin Jakobsson stjórn knattspyrnudeildar Snæfells vel unnin störf og færði þeim þakklætisvott frá íbúum Stykkishólms. Að því loknu kallaði Jakob Sigurþór Hjörleifsson, sem keppti í kast- og stökkgreinum með frábærum árangri undir merkjum Snæfells og HSH í áratugi, til að klippa á borða og vígja sæti stúkunnar sem þar með voru formlega tekin í notkun. Nýju stúkusætin stórbæta alla aðstöðu við íþróttamannvirki bæjarins og eru til mikillar prýði.

Sjá frétt Stykkishólmspóstsins um athöfnina og leikinn hér.