Stök frétt

Vikupóstur stjórnenda

Komið þið sæl og gleðilegt nýtt ár.

Þá er fyrsta skólavika þessa árs liðin. Hún var reyndar ekki löng en að okkar mati skemmtileg. Nú hefur Heilsdagsskólinn tekið í notkun nýja nafnið sem kosið var um í desember, hann ber nú heitir Regnbogaland.

Við höfum orðið vör við að æ fleiri yngri nemendur eru að koma í skólann með svokölluð snjallúr. Við viljum minna á reglur skólans sem segja að snjalltæki eru eingöngu leyfð í 5. - 10. bekk. Við látum hér fylgja með reglur skólans í þessum málum:

Tölvur og snjalltæki

  • Snjalltæki eru leyfð í 5. - 10. bekk.
  • Í kennslustundum eiga snjalltæki að vera geymd í tösku nema kennari leyfi annað.
  • Notkun snjalltækja er óheimil í matsal.
  • Tölvur og snjalltæki eru á ábyrgð eiganda.
  • Snjalltæki eru leyfð í frímínútum en slökkt skal vera á hljóði.

Í tilefni af þrettándanum vorum við í dag með spilavist í 5. - 10. bekk í Stykkinu. Það skapaðist góð stemning og gaman að sjá aldurshópana blandast saman á þennan máta. Við stefnum því á að gera þetta að þrettándahefð. Eftir spilið var boðið upp á heitt kakó og smákökur.

Við viljum biðja foreldra um að taka frá mánudaginn 15. janúar klukkan 18.00, þá munum við hafa kynningu á nýja námsmatinu okkar sem mikilvægt er að foreldrar séu upplýstir um.

Þá eru foreldraviðtöl 24. janúar sem við munum segja frá betur síðar.

Njótið helgarinnar.

Berglind og Lilja Írena